Thursday, November 3, 2011

الدرس الثانى || دورة الفوتوشوب للمبتدئين

أهلاً بيكم فى تانى درس
هنعمل شوية حاجات كدا سوا
وان شاء الله نطلع بحاجة مفيدة
هنتعمل ازاى نكتب نص بشكل جميل
ممكن يتحط فى أول الموضوع مثلاً او يتحط على تصميم فيما بعد
،،
أول حاجة لازم نعرفها
هى ان فى كذا حاجة ممكن تطلع النص دا بشكل جميل
زى ستايل النص دا اللى هو الظل واللون
والحدود ونوع الخط نفسه
اول حاجة هنفتح صفحة جديدة
هنروح لقائمة File
ونختار Newهتظهرلنا الشاشة دى

1- دا العرض والطول بتاع الصفحة ... ودا بيعتمد على نوع المقاس اللى هو فى رقم 2
2- دا المقاس عايزينه بالبيكسل ولا بالـ Cm سم

انا دايماً بستخدم البيكسل لانه دا استعمالى الدائم
انما لو هتعمل مثلا مجلة حائط تطبعها بره مثلاً وعايزينها متر فى متر هنختار الـ CM ونكتب 100 سم وهكذا
البيكسل هنختار 1000 * 500 عشان بحب يكون الصفحة كبيرة اصمم براحتى وبعدين احدد فالأخر حدود التصميم وافحظ بالمساحة اللى انا عايزاها
3- دى فيها 3 أختيارات
اول اختيار هو الـ Transparent ودا عشان اعمل خلفية شفافة ....
يعنى لو كتبت مش يظهرلى خلف الكلام اى لون
التانى هو Background ودا انى اختار خلفية بلون الخلفية اللى موجودة فالفوتوشوب اللى هى دى

يعنى لو اخترتها هتجيلى الخلفية بيضاء
التالت وهو white يعنى خلفية بيضاء
انا بختار دايماً الاختيار الأول لانه افضل بالنسبالى فالتصميم

4- دا لحفظ العمل قبل مابتدى اشتغل ...

5- دا بيوضحلى حجم الصفحة اللى بعملها كل دا بقت أد أيه ...
يعنى الصفحة اللى بالحجم اللى اختارتو دا لما احفظها هيبقى حجمها 1.43 ميجا

 
 
 


بعد مانختار أداة النص
هيظهرلنا بعد تولبار القوائم تولبار خاص بأعدادات النص

رقم واحد وهو بيكتب الكلام بالطول أو العرض
يعنى لو دوست عليه
هيبقى الكلام شكلو كدا

2- بنختار نوع الخط ايه اللى هو شكله يبقى عامل ازاى
3- دا لو خط ممكن يبقى Bold او مائل على حسب نوع الخط ممكن تجربوها مع نوع الخط Arial
4- حجم الخط
5- دا بيحدد الخط ناعم ولا لا فى كذا اختيار ممكن تجربوه ولكن الاختيار الأفضل هو اللى موجود sharp
6 - توسيط النص نفسه يبقى يمين شمال فالوسط دا مش هتفرق معانا لو بنكتب كلمة او كدا
هيفرق لو بتكتب فقرة كاملة أكيد
7- النص من اليمين للشمال أو العكس مش هتفرق بردو هنا


عاليمين هنلاقى عمود فيه بعض الأدوات هننزل كدا لحد حرف الـ A
ودا خاص بأعدادات النص والفقرات

هيظهرلنا الشاشة الصغيرة دى

1- دى تباعد الأسطر
2- دى تباعد الأحرف عن بعضها لازم نتأكد ان القيمة 0 عشان محدش ييجى يقول الحروف ليه بعيد عن بعضها
اول ماتشوف كدا اتأكد من الأختيار دا
3- دى تباعد الكلمات نفسها يعنى يخليها بالبلدى كدا تمط بالشكل دا او متباعدة
شوف لما زودت القيمة عن 100 %

4- لون الخط ممكن نختاره من هنا او من اداة اختيار الأساسية اللى هى شوفناها فوق

دابل كليك عليها تقدر تختار اللون

5- دى قائمة اللير
نص او صورة او اى شىء ممكن تتعمل فى لير لوحدها هنتعرف عليها أكتر فيما بعد

 
 
بعد ماتعرفنا عالتفاصيل دى هنبتدى نشتغل
هنختار اللون الأحمر وليكن
ونختار نوع الخط اللى احنا عايزينه وانا اخترت واحد هضيفه فالدرس
واخترت الحجم
ممكن اختار دا قبل ماكتب وهيبقى كدا

طب افرض مثلاً كتبت قبل ماختار اى حاجة من الاعدادات دى
ببساطة بأداة النص بردو على نفس الكلام
دابل كليك هيعمل تحديد للنص كله عادى
زى الوورد بالظبط

هيبقى كدا نقدر وقتها نختار الاعدادات هتتطبق قدامك عادى
تطبيق الظل

لو عايزة اعمل ظل للنص هنروح ببساط لقائمة الـ Layer
نعمل تحديد للير النص بتاعنا
ونروح على قائمة الأعدادات دى

وهنختار اول أختيار
Drop shadow

هيظهرلنا الشاشة دى


1- دا لون الظل والأختيارات اللى جنبه دى تأثيرات عاللون نفسه
2- دى كثاقة الظل يعنى يبقى تقيل أو خفيف كدا يعنى
3- دا تباعد الظل عن الكلمة الاصلية
4- بتحدد كثافة الظل
5- حجم الكثاقة قد ايه
بالمناسبة الدائرة دى بتحدد أتجاه الظل يمين شمال وما الى ذلك
فالأخر الكلام بيبقى كدا مثلاً

طب انا عجبنى بقى الصورة وعايزة احفظها
اول حاجة هنحجم الصفحة عالكلام
هنروح للعلامة دى فى تولبار الأدوات اللى عالشمال
crop tools

وبعدين نيجى عالصفحة بتاعتنا عند النص
ونحدد بالماوس مربع حول النص


وندوس Enter و هيجيلنا اختيار Crop ندوس عليه ...
ونحفظ الصورة ونختار الصيغة Png عشان تجيلنا الخلفية شفافة بعد الحفظ

وبكدا خلصنا جزء فالنص المرة الجايا ان شاء الله نكمل هيكون بعد العيد ان شاء الله
عشان الأجازة او اللى مشغول
وكل سنة وانتم بألف خير جميعاً
فى انتظار أى استفسارات
 

No comments:

Post a Comment